“Við hjónin viljum þakka þér fyrir þá vinnu sem þú og samstarfsmenn þínir sáum um við lokafrágang húsnæðis okkar að innan. Þeir verkþættir sem þið unnuð að voru vel útfærðir og vel unnir. Hönnun á baðherbergjunum, fataherbergjum og þvottahúsi var í samræmi við óskir okkar, notagildi og það útlit sem við sóttumst eftir. Önnur grófari vinna í öðru rými húsins var auk þess óaðfinnanleg. Gæða frágangur var á öllu verkinu ásamt því að þú og samstarfsfélagar þínir gengur vel um ásamt því að ráðfæra ykkur við okkur um ákvaranatökur ef eitthvað bar upp á sem þið voruð ekki vissir um hvernig okkar skoðun var á. Umgengin á meðan á verkinu stóð var til fyrirmyndar.”

“Árið 2006 var mér bent á topp mann sem væri tilvalinn í að smíða flókinn og erfiðan pall við heimili mitt í Fossvogi,það reyndist góð ábending því Friðrik og hans menn leystu þetta verk með glans,allt stóðst 100% hjá honum og get ég heils hugar mælt með honum,verkið var drifið áfram,vönduð vinna og sanngjarnt verð.”

“Friðrik Bohic smíðaði sólpall við húsið okkar á árinu 2006. Samskiptin voru frábær sem og vinnubrögðin. Reynsla hans og þekking nýttist vel varðandi endanlegar útfærslur og verklag. Friðrik er góður fagmaður, vinnur hratt en leggur um leið mikinn metnað í smíðina. Við erum mjög ánægð með viðskiptin við hann.”

“Síðasta sumar fengum við Friðrik og hans menn til að smíða stóran útipall í garðinum. Verkefnið var faglega og vasklega unnið og erum við í alla staði ánægð. Pallasmíðin tókst frábærlega og Friðrik kom með flottar hugmyndir sem bættu við okkar eigin. Fagmennskan byrjaði með tilboðinu, var allan tímann í framkvæmdinni og lauk með reikningnum. Við treystum okkur svo sannarlega til að mæla með Friðrik og hans fólki.”